الترفيه

ازاي تعرف انك قليل البخت

هتقابل ناس كتير في حياتك بيبقوا حاسيين أنهم قليليين البخت، دايمًا عايشين في كآبة وتعاسة، بيحسوا دايمًا أن حظهم قليل، حياتهم مليانة مشاكل، علشان كدا هنقول على شوية حاجات تقدر تعرف بيهم اذا كنت زي الناس دي ولا لأ:

الهروب من المشاكل 

دايمًا هتلاقي الشخص قليل البخت ده بيرمي شماعة الاخطاء على الناس التانية اللي عايشين معاه وبيرمي اللوم عليهم وعلى حظه الوحش، دايمًا بيهرب من مشاكله باي حاجة تانية .

الشكوى الدائمة 

دايمًا هتلاقيهم بيشتكوا من اي حاجة وكل حاجة، الشكوى دايمًا على طرف لسانهم، تقدر تعرف الشخص التعيس من شكوته قليل البخت بيتعرف من كلامه.

يتوقع الأسوأ

هتلاقي الشخص قليل البخت دايمًا بيتوقع الأسوأ، عمره ماحس ان في انفراجة في الطريق لحل مشاكله، دايمًا حاسس باضطهاد، الدنيا على طول بالنسبة ليه ضالمة وسوداء.

الوحدة 

دايمًا هتلاقي الشخص ده وحيد بيتجنب كل الناس، بيحب العزلة والوحدة، بيهرب من مشاكله الكتير بأنه يقفل على نفسه باب وعايش في كىبة ووحدة على طول.

انتظار المستقبل 

دايمًا هتلاقي الشخص ده منتظر مستقبل تاني غير اللي عايش فيه بس من غير ما يشتغل أو يطور من نفسه، دايمًا مستني حد ينقظه من حظه السيء.