الحياة الشغل

ازاي تعمل اجتماع من غير ماتضيع وقتك؟

ازاي تعمل اجتماع من غير ماتضيع وقتك؟

اجتماع بيتدار بطريقة غلط ممكن يضيع الوقت والمجهود والفلوس من غير مايكون مفيد لحد وعلشان كده حبينا نقول لكل اصحاب الاعمال ازاي ممكن ينظموا اجتماع ناجح.

 

ازاي تعمل اجتماع من غير ماتضيع وقتك؟ سبب الاجتماع

لازم الاول تعرف انت عامل الاجتماع ليه وتحدد البنود اللي انت عايز تناقشها في الاجتماع ده وبيقول “مايكل شو” الباحث في ادارة الاعمال ان المشاركين في الاجتماع لازم يتبلغوا بموضوع الاجتماع قبليها ب3 ايام على الاقل علشان يحضروا قائمة واضحة بالامور اللي هيتم مناقشتها في الاجتماع.

اجتماع-1

ازاي تعمل اجتماع من غير ماتضيع وقتك؟ الحاضرين

لازم تعرف كويس انت عايز مين يحضر الاجتماع وده بيبان من موضوع الاجتماع يعني مش لازم مثلا في اجتماع خاص بمناقشة الميزانية تخلي كل مديرين الشركة يحضروا معاك الاجتماع كفاية اعضاء مجلس الادارة والمدير المالي .

إعلان

اجتماع-2

ازاي تعمل اجتماع من غير ماتضيع وقتك؟ الميعاد والمدة

من الصعب انك تحدد ميعاد يكون مناسب للكل علشان تعمل الاجتماع علشان كده بتقول “تيريسا تايلور” مدير ادارة العمليات انه من الانسب انه يكون ميعاد الاجتماع مستقطع من وقت العمل او بعديه مباشرة بحيث تضمن ان كل الناس اللي محتاجهم في الاجتماع يكونوا موجودين, ده بالاضافة الى ان مدة الاجتماع ذات نفسه لازم تكون مختصرة وبيأكد الكلام ده خبير التسويق “كريس بروجان” وبيقول ان مدة الاجتماع مش لازم تزيد عن نص ساعة.

اجتماع-3

ازاي تعمل اجتماع من غير ماتضيع وقتك؟ مسؤول الاجتماع

بيقول مرلين مان خبير ادارة الاعمال ان كل اجتماع بيحتاج لمسؤول يديره ومش لازم يكون مسؤول الاجتماع هو نفسه منظم الاجتماع لان منظم الاجتماع في الغالب بيكون الشخص اللي بيتسأل وبيكون غرقان في مناقشة بنود الاجتماع علشان كده مش من السليم انه يكون هو نفسه مسؤول ادارة الاجتماع.

اجتماع-4

ازاي تعمل اجتماع من غير ماتضيع وقتك؟ الحضور في الميعاد

لازم كل اعضاء الاجتماع يحضروا في الميعاد وفي شركة معينة كان ليها قاعدة بتطبقها على كل اللي بيتاخروا عن حضور الاجتماع ومنها مثلا انهم بينظفوا غرفة الاجتماعات بعد انتهاء الاجتماع.

إعلان

اجتماع-5

ازاي تعمل اجتماع من غير ماتضيع وقتك؟ فهم الحضور

لازم تتاكدان كل الناس الحاضرين فهموا الموضوع محل النقاش وعلشان تتاكد من كده قبل الاجتماع اسالهم عن درجة فهمهم للموضوع محل النقاش من خلال تحضيرهم للاجتماع وحاول تحط نسب معينة لفهم كل واحد يعني مثلا شوف كام واحد فاهم الموضوع اوي وكام واحد فاهمه نص نص وكام واحد مش فاهمه خالص وعلى الاساس ده حدد فقرات الاجتماع يعني ممكن تزود مدة الاسئلة او تنقصها على حسب درجة الفهم او ممكن تبسط الشرح شوية.

اجتماع-6