حول العالم عجائب وغرائب

الواحدة بـ160 جنيه اعرف وصفة أغلى شيبسي في العالم

إسراء الطيب

سمعت قبل كده عن أغلى شيبسي في العالم، طب فكرت ممكن أي اصلا اللي يخليه أغلى شيبسي، مهو في الاخر كله بطاطس متحمرة، أو مخبوزة، أو أي الزيادة اللي خلته خد لقب زي ده دون عن كل حبات بطاطس العالم.

الموضوع مش كده وبس إنه حتى مبيتبعش بالشكل العادي للشيبسي إنه يكون في أكياس أو علب طولية لا ده بيتباع بالخمس واحدات حد أقصى وكمان في علبة فخمة جدًا كأنها علبة مجوهرات مش شيبسي، ومش بس ده اللي بيميزه.

الشيبسي ده هو شيبسي St Erik’s، التابع لواحدة من اكبر شركات صناعة البيرة في العالم، واللي نجحت إنها تخليه رقم واحد عالميًا في أقل من سنة واحدة بس .

من الأسباب القوية اللي خلته أغلى شيبسي في العالم، مكوناته النادرة جدًا، واللي من ضمنها فطر ماتسوتاكي الجي من الغابات السويدية الشمالية، الكمأة والأعشاب البحرية من جزر فارو، ونوع فريد نادر من الشبت من شبه الجزيرة Bjäre، و البصل من بالي بالهند، وحبات البطاطس الجية من تلال Ammarnäs في شمال السويد، من قلب التلال شديدة الانحدار اللي خلاهم يعتمدوا على جمعها يدويًا لآن الالات صعب تتعامل مع الانحدار ده بالتالي يكون معمول يدوي من أول الزراعة لحد الحصاد لآن أي أله هتقع ببساطة.

نيجي للمرحلة التانية وهي طريقة التصنيع، التعامل بيكون بحرص مبالغ فيه، لآن الحبة الواحدة منها تمنها أكتر من 10 دولار فمفيش مجال إن واحدة تتكسر او يكون فيها أي عيب وبعدها بيتاخد واحدة واحدة بحذر شديد أوي وتبدأ تتحط في صندوق مستطيل فخم مكتوب عليه اسم الشركة بلون الدهب زي لون حبات الشيبسي.

 أما السبب الرئيسي للتصنيع، فأعلن عنه ماركوس إيرا مدير العلامة التجارية عن سبب صنع ذلك النوع النادر : “افتقدنا مع تقديمنا للبيرة لوجبة خفيفة على نفس درجة فخامتها التي نقدمها لنصنع رقائق من البطاطس درجة أولى لا تقل عن الجعة ويمكن أكلها بمفردها أو مع الجعة”.

على الرغم من إن العلبة بيوصل تمنها من 46 ل56 دولار يعني الحباية الواحدة تمنها أكتر من 10 دولار، وعشان التكلفة العالية دي كل اللي انتجته الشركة السنة اللي فاتت كان 100 علبة بس، وعلى الرغم من كده ال100 خلصوا كلهم في أسبوع واحد بس واتضاعف الطلب عليها وبقى بالحجز.