الترفيه الحياة

امتى تبقى 2018 سنة سعيدة عليك

سنة 2018 خلاص بقت على الأبواب، فكلها ايام وهنودع سنة 2017 بحلوها ومرها، وبكل اللي حصل فيها من أحدث، وزي ما كل واحد كان بيتمنى الخير والسعادة تحصله في السنة اللي فاتت، أكيد ده هيبقى مطلب شعبي كل الناس هتتمنى تبقى سعيدة في السنة الجديدة، علشان كدا هنحاول نتكلم على شوية حاجات ممكن تخلي السنة الجديدة بالنسبة ليك سنة سعيدة:

لمة العيلة

لازم تهتم بلمة العيلة، وده لأن عيلتك هي مصدر سعادتك الوحيد في الدنيا دي، هتكون سعيد لما يبقى الكل سعيد في الناس اللي حواليك، حاول تقعد معاهم أكبر وقت ممكن على مدار السنة وماتخليش حاجة تشغلك عنهم.

زود قدرتك ومهاراتك الخاصة

زود تعليمك اهتم شوية بأنك تتعلم حاجات جديدة علشان تساعد نفسك في شغلك أو في حياتك الخاصة، زود مهاراتك الخاصة واتعلم لغات وتقنيات جديدة، اقرا كتير وزود محصلتك التعليمية.

اهتم بصحتك

لازم تهتم شوية بالرياضة مارس الرياضة بشكل منتظم واهتم بلياقتك الخاصة، علشان تحافظ على صحتك، وماتخليش اي حاجة تاثر فيها علشان تقدر تعيش سعدي ابعد عن اي حاجة هتاثر على صحتك.

النجاح في الحياة والشغل

النجاح في الحياة والشغل هيساعدك كتير في أن تعيش سعيد في حياتك، اهتم بشغلك ومذاكرتك واجتهد فيهم هتوصل للي انت عايزه وهتحقق كل اللي بتتمناه في حياتك، وابعد عن اي حاجة هتاثر في شغلك أو مذكرتك.

قعدة الصحاب

الصحاب هما مصدر السعادة الاساسي في حياتك زود صداقتك وقرب من الصحاب اللي هيخلوك ناجح وسعيد وابعد عن النوع التاني اللي هيخليك فاشل في حياتك الخاصة.