المشاهير ع السريع

بعد استفزاز الجمهور .. قايمة الفنانين الأعلى أجر في مصر

بعد تعليق الفنان محمد رمضان عن انه الممثل الأعلى أجر في مصر، على تقرير صحفي عن أجره الفني في برنامج «SNL بالعربي» ، وهو رقم بيتقال انه وصل لـ2 مليون جنيه، وقال أن الأخبار دي مابتهمش القاريء وأنها بتسبب مشكلة مع الفنانين، والحقيقة محمد رمضان بقاله فترة كبيرة بيصر على أنه الممثل رقم واحد في مصر كإيرادات وكأجر.

وده تعليق اثار جدل كبير على مواقع التواصل الاجتماعي، علشان كدا هنحاول نتكلم شوية عن الفنانين الأعلى أجر في مصر:

عادل امام

المعروف أن الفنان عادل امام من الفنانين الأعلى أجر في مصرن وان أجره في مسلسله الاخير عفاريت عدلي علام وصل ل45 مليون جنيه، وده مسلسل اتعرض في رمضان اللي فات وشاركته البطولة غادة عادل وهالة صدقي ، من تاليف يوسف معاطي وإخراج رامي إمام.

محمد رمضان 

أجر محمد رمضان وصل لـ35 في ملسلسه الاخير الأسطورة وده كان سنة 2016، وهو مسلسل اتعرض فر رمضان قبل اللي فات وشاركه البطولة مي عمر وياسمين صبري وغيرهم، وبيتقال ان اجره حاليًا بقى أكبر بكتير ، ده غير أن رمضان نفسه بيأكد دايمًا على أنه بقى الأعلى أجر في مصر.

أحمد السقا 

وصل أجره في مسلسله الأخير الحصان الأسود لـ40 مليون جنيه مش كدا وبس بيتقال أن اجره في فيلم هروب إضطراري وصل لـ20 مليون جنيه مصر، وهو فيلم شاركه فيه عدد كبير من الفنانين زي أمير كراره وغادة عادل وفتحي عبد الوهاب وغيرهم وحقق نجاح كبير في السينمات وقت عرضه.