الجيران شارعنا

تعمل ايه لو لقيت الكراش ساكن في الشارع بتاعك

فكر كدا شوية وشوف هيحصل إيه معاك لو لقيت البنت اللي بتحبها أو الكراش بتاعك ساكن في نفس الشارع اللي انت ساكن فيه، ساعتها في حاجات كتير هتيجي في دماغك ساعتها، وهتسال نفسك اسئلة زي هتقدر تتجاوب معاها، هتقدر تفتح معاها مواضيع وتتكلم معاها ولا لأ، في حاجات هتقدر تعملها قدامها ولا لأ .

خليك جريء وافتح كلام

خليك جريء وافتح معاها كلام، لازم تحاول تتكلم معاها وتشوف هي بتفكر في ايه، أو بتحب تسمع أو تقرأ إيه، بتحب تتفرج على الكورة ولا لأ، وده لأن فتح الكلام هيخليك تتعرف عليها كويس وتقدر تفهمها صح.

اهتم بمظهرك

اهتم بمظهرك شوية وماتخلهاش تشوفك في الشارع مش استايل أو مش على الفورمة، ما تخلهاش تشوفك وانت مش لابس ومهندم نفسك صح، علشان ما تصغرش في نظرها.

اعرف طريقة تفكيرها

اعرف سكة لدماغها ، علشان لو قدرت تعرف طريقة تفكيرها هتقرب منها أوي، وهتبعدوا عن أي مشاكل هتقابلكم في المستقبل،  وهتقدر تفهمها من غير ما تتكلم معاك.

كلمها على الشات

تواصل معاها افتح معاها كلام على السوشيال ميديا وعرفها انكم جيران، وانك ساكن معاها في نفس الشارع، وافتح معاها كلام على الشات الخاص، بس حاول تبقى خفيف معاها.

خليك خفيف معاها

حاول ماتبقاش لازقة ليها في الرايحة والجاية، سيبها براحتها وماتحسسهاش أنك متطفل عليها بزيادة، علشان ماتهربش منك، لو لقيتها مضايقة ابعد عنها وخليك خفيف معاها، علشان ما تبقاش ضيف تقيل على قلبها.