الحياة سينجل

حاجات السينجل اترحم منها في الشتا

حاجات السينجل اترحم منها في الشتا

إسراء الطيب 

خلينا متفقين إن مش كل حاجة في حياتنا أو مرحلة بنعدي عليها بتكون كتلة إيجابيات وبرضو مش كلها مليانة سلبيات يعني في حاجات سلبياتها أكتر من إيجابيتها والعكس، مثال حال السينجل في الشتا، بيكون برنس في أوقات  ويا حرام مشرد تمامًا في مواقف تانية

إعلان

يعني من الحاجات اللي بيخسرها حد تاني يدفي ايده في إيده وهما بيتمشوا وياكلوا ايس كريم، بس نيجي للناحية التانية ونشوف كسبان أي هنلاقي كتير محدش قالق نومه ولا راحته غير إخواته غير كده ممكن يعيش في جزيرة القطن اللي هي السرير بتاعه لحد ما الشتا يخلص وزي الفل ، ومن المواقف التانية اللي مستفاد بيها الاتي.. 

الطلبات العجيبة في عز السقعة 

إنك تقومي تعمليله حاجة سخنة وتسيبي البطنية في عز السقعة، أو تقفي تعملي أكل في الوقت اللي كان زمانك سينجل نايمة تحت البطانية ومتهننة، خليكي عاقلة ومتدفية في سريرك، إنك تكوني سينجل دي أحلى فترة بس استغليها صح واعرفي الحاجات اللي بتضيع من إيدك أول ما بتدخلي مرحلة الارتباط.

إعلان

حاجات السينجل اترحم منها في الشتا

الجاكت

غصب عنك هتلاقيها ماشية جنبك سقعانة يجي في عقلك مشهد كل أفلام السينما والبطل الجميل بيدي الجاكت للبطلة كفاية حلمي اللي صمم يقلع الجاكت وكمل الفيلم بنص كوم عشان يقنعها قد اي بيحبها، وهي اتثبتت بعدها أحلى تثبيته، ، لو مش مرتبط بقى ولا بتفكر فيها كان زمانك برنس جاكت على كتافك ومتدفي.

حاجات السينجل اترحم منها في الشتا

إعلان

النزول في أوقات عجيبة وتقرر تفارق البطانية

فجاءة تلاقي تليفون من كوكب شقيق بتقولك أنا نفسي في هوت شيكولت ولا أي طلب غريب الهيئة عشان تختبر أنت بتحبها فعلا ولالا، محبكش الاختبار غير في عز التلج، تخيل بقى لو أنت سنجل ولا حد يكلمك ولا حد يقولك انزلي وسط البلد دلوقت عايزة اتمشى، ولا يقولك عايز ايس كريم ولا اتمشى على الكورنيش عشان تنشف هناك..

حاجات السينجل اترحم منها في الشتا

بيدفي إيده في قفاكي

تصرفات العجيبة وهجمات دب القطب الشمالي، نفس حركات إخواتك لما تلاقي ايده المتلجة حضنت قفاكي، بس مش قفا ولا اتنين بقى ومفيش حد تشتكيه عشان يبطل زي ما بتقولي لبابا، ده بقى هجمات قطبية مفاجأة متلجة، تفقد التوزان الطبيعي، وتتحولي لبطريق متلج يوم مطلعتلوش شمس.

حاجات السينجل اترحم منها في الشتا