الجيران شارعنا

حاجات هتخليك تعزل من أي شارع

حاجات كتير ممكن تخليك تعزل من أي شارع أو منطقة، بتخليك مش طايق المنطقة واللي فيها وعايز تمشي بسرعة منها وماتقعدش فيها ولا ثانية واحدة، بتخليك تاخد قرار نهائي بأنك تعزل لاي منطقة تانية وخلاص:

المشاكل والخناقات

لو المنطقة مليانة مشاكل وخناقات أو أي حاجة مستفزة هتخليك تقرر نهائي في أنك تسيب الشقة بتاعتك، وتروح تعيش في أي مكان تاني يكون هادي ومافيهوش اي مشاكل .

الزحمة

لو المنطقة اللي انت ساكن فيها زحمة جدًا هتحاول تشوف أي مكان يكون رايق ومش زاحمة، وده بيبقى السبب الرئيسي في أي مشاكل هتحصلك في شغلك أو في أي مكان .

الشغل

 لو المنطقة بتاعتك بعيدة عن شغلك أو مافيش مواصلات كتير وبتتعب في أي مواصلة هتفكر بجد انك تسيب المنطقة لمكان تاني قريب من شغلك.

حالة البيت

لو البيت حالته  مش كويسة أو قديم أو فيه اي مشكلة هتفكر تسيبه لمكان أحسن منه، أو لو الشقة مافيهاش الخدمات  الكافية من غاز أو مياه  وغيرها.

 الحالة النفسية

لو حالتك النفسية مش متظبطة مع المنطقة  اللي انت ساكن فيها، ودايمًا حاسس أنك مخنوق من شقتك أو الشارع اللي فيه، لازم تفكر تسيب البيت وتروح منطقة تانية وتغير جو علشان حالتك الصحية.