حول العالم عجائب الدنيا عجائب وغرائب

عجايب أجمل قرى في العالم

إسراء الطيب 

أول ما بنسمع كلمة قرية بيجي في بالنا الخضرة والطبيعة والهدوء أو زي ما بنسمعها من صحابك أو زمايلك في الشغل والجامعة، “أنا رايح البلد”، وبنتخيل شكل البلد التقليدي لكن تخيلت في مرة شكل البلد أو القرية بره مصر أو في الدول الأجنبية عاملة ازاي؟!

أكتر من موقع اجنبي وسياحي حب يعمل تقييم لآجمل القرى في العالم، اللي نظرهم المكان اللي عوامل الزحمة والشركات الضخمة مش موجودة فيه، أو بمعنى تاني الهدوء وعدد ناس أققل، وطلعت بأحمل منتجعات راحة في العالم مش مجرد قرى ودي نبذة عن أجمل خمسة.

Manarola, Italy

الصورة بتتكلم عن نفسها، مانارولا هي واحدة من أحمل القرى الصغيرة في العالم كله، ومن أكتر القرى السياحية في الوقت نفسه، لأكتر من سبب خلاها رقم واحد سياحيًا منها المكان الجغرافي في إيطاليا ساحرة أوروبا، والبحر والمراكب ورياضة الشواطئ، غير الألوان المبهجة اللي قدرت تجذب ملايين السياح حول العالم لجمال الطبيعي هناك.

Hallstatt, Austria

القرية دي زي مفتاح سحري لأجمل أيات الطبيعة هي موجودة ما بين  بحيرة هالستات اللي هي متاخد منها اسم القرية، غير مناظر الجبال والماية والخضرة، من الناحية  جبال داشستين والقرية بتتسمى برضو بقرية جبال الألب، الأسباب دي خلتها واحدة من أكتر أماكن العالم جمال وأكتر أماكن بيتم فيها التصوير في النمسا، ده غير أن أقدم منجم ملح في العالم كله كان فيها، ده كان في بداية القرن التاني قبل الميلاد، وللاسباب دي كلها اتحولت هالستات من مجرد قرية عادية لموقع تراث عالمي معترف بيه في 1997.

 Marsaxlokk, Malta

من أكتر الحاجات اللي خلت قرية مارساكسلوخك تتشهر هي المأكولات البحرية السمك والجمبري وأنواع اول مرة تسمع عنها من السمك وكنوز البحر، وده مش من فراغ لا القرية دي الصيد عندهم مقدش من أكتر من 800 سنة والشغلانة الاساسية هناك الصيد، غير مراكبهم الملونة والبيوت اللي بتنعكس مع البحر وتدي بهجة كبيرة للمكان وهدوء ما عدا أيام الحد عشان بتكون أسواق السمك الرئيسية، وسكان بيرسموا على كل المراكب عين أسطورية من أوزيريس، اعتقاد منهم إن عين الله تحميهم من الشر، غير إن المكان في جانب أثري ضهم بعد ما اكتشفوا بقايا معبد اثر وأدوات من العصر البرونزي.

Bibury, England

تقدر تقول كل معالم البهجة والأنبساط أو زي ما البريطانيين بيسموه مملكة السحر، واحدة من أقدم القرى في انجلترا، فيها هدوء وتراث تحس إنك رجعت لعصر تاني غير العصر بتاعنا، وحواليك نهر كولن والخضرة، وصفها  المصمم الإنجليزي وليام موريس بيبوري باسم “أجمل قرية في انجلترا” ، البيوت هناك لسه محتفظة بشكلها من الحجارة الضخمة وهيئة القرن ال17 وده بيخليها مكان تصوير لأغلب الأفلام المرتبطة بالفترة الزمنية دي.