حقائق غريبة عجائب وغرائب

كافة المشتريات مجانية… اكتشف سر الإعلان الأغرب في الدنمارك

إسراء الطيب 
 
2017 بتودع العالم كله وبدأ العد التنازلي لاخر 6 أيام فيها، وانطلقت الاحتفالات في العالم كله تنتشر، ومع الاحتفالات بتيجي الاجازات، وفي متاجر ضخمة عالمية أمثلة كارفور وأكبر منه بتقرر إنها تقفل خالص خلال فترة احتفالات الكريسماس اللي بتستمر 3 أيام لحد يوم 27 ديسمبر ويرجعوا يشتغلوا من جديد استعداد لرأس السنة
لكن عشان يحتفل العاملين ومتحرمهمش من الاجازات، بيتعرضوا لخسارات ضخمة بالذات في الأطعمة اللي دايما بتتجاب فريش، وصلاحيتها
بتكون 4 أيام، ده غير تكلفة التخلص بقى من كل الاطعمة الفاسدة دي بعد ما يرجعوا من الاجازة والوقت اللي هيضيع.
عشان كده قرر مول REMA 1000 Billund وده واحد من أضخم متاجر الدنمارك، إنه يقدم اللحوم والأسماك والفاكهة والخبز والحليب كل ده مجانا لآي حد، وده لكل المنتجات اللي المتجر متعود يبيعها فريش وعشان يضمن أكتر درجة من الشفافية والأطعمة الصحية مع جمهوره.
 
وطلبوا بس من الناس إن كل واحد ياخد على قد احتياجاته وبس، عشان عايزين أكبر عدد من الناس ياخدوا فرصة الأطعمة المجانية كهدايا فوري من المتجر لكل الدنمارك وإنهم فاتحين في الفترة من 9:30 لـ 10 
والمتجر مكتفاش بس بالاعلان في مكبرات الصوت المعتادة في أي  متجر عالمي لكنه كتب على صفحته على الفيسبوك ونزل إعلانات في الجرايد والتلفزيون بيطلب من كل قاطنين الدنمارك مهما كانت جنسيتهم إنهم يساعدوهم ويجوا ياخدوا كل احتياجاتهم مجانا، وبكده قدر يكسب دعايا ضخمة مجانية وفي نفس الوقت زود من ثقته مع عملاءه اللي بيتعاملوا معاه وكسب عملا جداد.