الفورمة

للراجل القصير .. حاجات لازم تعرفها عن الاناقة 

لازم كلنا نهتم شوية بالاستايل اللي بنلبسه علشان نظهر بمظهر جميل وجذاب، وبما أن عدد كبير من الرجالة المصريين بيعانوا من قصر القامة، فكان لازم نتكلم على طريقة اختيار الملابس اللي هتناسب طولهم واللي هتزيد من درجة الجاذبية عندهم، وهي حاجات لازم كل واح فينا يعرفها كويس لو عايز يظهر بمظهر جميل وأنيق.

القميص

انك تخرج القميص بره البنطلون ده حاجة تقليدية وعادية بالنسبة لناس كتير بس بالنسبة للناس القصيرة الموضوع ده ما ينفعش معاهم فلازم يعتمدوا على انهم يدخلوا القميص جوا البنطلون علشان يبين الساق والجزء السفلي من الجسد بشكل كبير وهيديك شوية طول وهمي .

طول البنطلون

موضة البنطلون الطويل اللي بيوصل للكعب انتهت وبقت من الماضي ده غير انها مش هتناسب الرجل القصير لازم وانت بتختار البنطلون يكون طوله لغاية عضمة الكاحل او فوقها بشوية صغيرة .

الألوان الداكنة 

دي الخيار المفضل لأصحاب القامة القصيرة خصوصًا لو لون القطعة العلوية زي لون البنطلون، الغوامق هتليق عليك أكتر من اي حد تاني ولازم تاخد بالك ان الألوان المتناسقة هتساعدك كتير أوي.

الشروت أوالسراويل القصيرة 

الشورت هيبقى خيار ممتاز ليك لو بتعاني من قصر القامة لكن لازم تاخد بالك انه يكون فوق الركبة بشوية يعني لو واحد سم هيبقى كويس، لازم كمان تختار القمصان اللي بأكمام قصيرة مش طويلة لأن الأكمام الطويلة هتبينك أقصر.

اختيار الجزم

في ناس كتير فاهمة الموضوع ده غلط وبيختاروا الجزم اللي بكعب طويل والجزم الضخمة لأن الجزم الخفيفة بتبقى أحسن ليهم لازم تختار الجزم اللي من غير كعب لأنها هتليق عليك اكتر من اي حاجة تانية .