الجواز

لي كلمة مدام بتزعل البنات؟

إسراء الطيب 

من أكتر الكلمات اللي بتضايق البنت سواء اتجوزت أو لسه هي كلمة مدام، أو ما يقولها أي سواق تاكس، رايحة فين يا مدام؟ أو في السوبر ماركت يقولها الباقي يا مدام، أي كلمة مدام معدية بتكون زي نقطة حبر اسود بتطفح في اليوم كله تنكد عليها لو مش متجوزة بيكون كابوس تاني اللي هو أنت اتعميت ولا اي دا حتى مش لابسه دبلة.

أما لو متجوزة، فهتحس فجاءة أي ده أنا بقى يتقالي مدام، أنا شكلي بقى وحش أوي كده ولا أي أنا خلاص مبقتش اتعاكس، مبقتش أوقف نص الجامعة على رجل رغم إنها من الاول مكنتش بتوقفهم بس فيلم دراما كوين فجاءة بيدخل عليها وتضايق بقى وحالتها تتنكد، طب فكرت بقى اي الاسباب اللي ضايقتها  من الكلمة دي

بتحسسها إنها كبرت أوي 

إنها فجاءة ملامحها مبتقش زي زمان فبقى يتقالها يا مدام حتى لو مش شايفين الدبلة، وده بيخليها تضايق جدًا لآن كل بنت بتحب تحس إنها لسه حلوة وصغيرة مهما حصل

إنها مبقتش جميلة 

بتقول ما بينها وبين نفسها “أي ده هو كده يقصد المدامات الكبار اللي كنا بنخاف منهم زمان واحنا راجعين من المدرسة وبيكونوا شايلين الهم وملامحهم اتغيرت وبقوا عواجيز.

بتفكرها بموظفات الشهر العقاري 

دايمًا مصطلح مدام مرتبط بالموظفات اللي دايمًا على مكاتبهم الطماطم والفلفل وغيره من أكل البيت بيجهزوه عشان ميتأخروش لما يروحوا، ويسلام لو موظفات شهر عقاري.

بتحس أنها شخصية نيلي كريم في فيلم ذات

شخصية نيلي كريم في مسلسل ذات بتعكس كابوس الجواز عند كل بنت مش عايزة تتجوز عشان متتحولش لمدام كذا، ولا لمصطلح مدام اللي نقله المسلسل، من كسرة وضعف وقلة حيلة.

 

هتخليها تكتئب وتكره نفسها بدري بدري

هتلاقيها أول ما سمعت الكلامة عينها برأت وقفلت وفتحت ويسلام لو كانت اصلا مش متجوزة اللي هو ممكن تهزقك عادي وأنت إزاي تقول كده وممكن تندمج وتقولك هو البعيد أعمى ولا اي.