الجواز الحياة

معلومات لازم تعرفها قبل ما تتجوز

إسراء الطيب

إنك تبني حياة جديدة دي خطوة من هم وأصعب الخطوات اللي بياخدها الإنسان في حياته بالعموم ولما يكون في مصر مع الأسعار اللي ضربت هتكون خطوة أصعب شويتين كمان، وبتعمل ضغط مبالغ فيه على العريس والعروسة كل ما الفرح بيقرب.

اللي بيفرق جوازة عن أي جوازة تانية مش بيكون ده جاب أي وده جاب أي، لآن كل الأمور المادية دي بتكون ولا حاجة لو اختيار حد من الاتنين كان غلط، أو يكون فاهم أن الجواز فسحة أو ضحك وهزار وبس، في حاجات تانية لازم يعرفوها الأول عن الجواز.

المسؤولية 

الجواز قد ما هو بيزيد جمال وفرحة لما يكون بين اتنين واخدين بعض عن حب، قد ما بيكونوا قادرين يتحملوا اللي جي أي، أن الراجل ينتقل من مرحلة إنه مسؤول عن نفسه بس، ضامن أكله وشربه وراحته في بيت أهله وأمه بتأهله كل اللي عايزه، والبنت المدلعة في بيت بابها تيجي من شغلها تنام الاتنين مكنوش مجبورين إنهم يتخلوا عن كل الرفاهية دي غير عشان يكونوا سوا، الراجل بيتحول لمسؤول عن بيت بكل تفاصيله وزوجة بقت في رقبته، والزوجة بقت مسؤولة عن الاهتمام بالبيت ده وإنها تكون نعم السند اللي يقومه عشان يقدروا يكمله.

الحب بيهون 

كل ما كان البيت مبني على حب، ده هيكون الحاجة اللي بتهون كل المشاكل بداية من ضغط المشاكل اللي قبل فترة الجواز، لحد تفاصيل أول سنة بكل كعبلتها وإن فردين باختلاف ثقافتهم وعقلايتهم يبدأو يقتنعوا بفكر بعض، ويتقبلوا كل واحد واتجاهاته أي، عشان يقدروا يتأقلموا مع بعض.

الاحترام أهم من الحب

لما تجوزوا هتعرفوا إن الاحترام أهم من الحب، إنه كل واحد يحترم خيارات التاني، ويسمع لرأيه، إنه يكبره قدام القريب والغريب، إنه كل واحد يشيل التاني فوق دماغه ويقدره، يخليه دايمًا مبسوط وهو عارف إن أي حاجة بيعملها الطرف التاني بيقدره وبيعترف كل واحد بدور التاني من غير ما يقلل منه أو مجهوده او يزايد عيه.

المشاركة 

لو الطرفين عارفين من الأول أن الحياة قايمة على المشاركة مش المزايدة، كل طرف هيكون مقتنع بالطرف التاني وقدراته أي ويساعده إنه يستغلها ويطول نفسه، وإن كل طرف يكون عارف العيوب والمميزات في الطرف اللي قدامه ويتقبلها زي ما هي،  ويحبه زي ما هي من غير ما يجرح فيه.