حيوانات غريبة عجائب وغرائب

معلومات لا تعرفها عن ملكة جمال الحشرات

مسابقات ملكات الجمال ما بتقتصرش على الستات وبس، في كل حاجة في الدنيا لازم تلاقي فيها ملكات جمال، فالحيوانات هتلاقي عدد منهم بيتميزوا بالجمال، مش كدا وبس حتى الحشرات فيهم ملكات جمال، زي الـ«Rosy Maple Moth» أو الفراشة المعروفة بروزي القبقب.

موطنها والغذاء

روزي من الحشرات النادرة جدًا اللي هتلاقيها موجودة في امريكا الشمالية موطنها الأصلي، بتعيش في الغابات وبتتغذى على شجرة البلوط، بتمميز بالجناحات الصفرا المخلوطة باللون الوردي أوالبنفسجي الوردي.

طولها وحياتها

طول جناح الذكور من الروزي 23 – 44 ملم والاناث 40 – 50 ملم، بتضع البيض بتاعها في مجموعات عددها من 20 : 30 على الاجناب السفلية من الاوراق، بتفضل اسبوعين وبعدين بتخرج اليرقات الصغيرة.

صفاتها وتكاثرها

روزي القبقب حشرة خجولة جدًا بتظهر في الاوقات المتأخرة من الليل أو في الأوقات الأولانية من الصبح، علشان كدا مش من السهل العثور عليها في أي حتة، بتتكاثر في فصول الصيف الحارة ، بالتحديد في الفترة مابين شهر مايو لغاية أغسطس.