الكراش للرجال فقط

5 أفلام قصصها دارت حول الكراش

مش هتصدق لما تعرف أن الكراش موضة قديمة، ومش جديدة زي ما الناس مابتتخيل على السوشيال ميديا، لو بصيت شوية على الافلام اللي اتعملت زمان ودلوقت هتلاقي فكرة الكراش موجودة فيها بس ماكنش اسمها كدة كان ليها اكتر من اسم زي حب من طرف واحد وغيرها من الاسماء علشان كدا هنحاول نتكلم شوية على الافلام اللي قصتها درات حول الكراش.

الباب الحديد 

كلنا اتفرجنا على فيلم باب الحديد وشوفنا محاولات يوسف شاهين أو قناوي اللي كان مختل عقليًا واللي كان بيحب هنومة بتاعت الكازوزة أو هند رستم اللي ماكنتش معبراه في الفيلم .

ظرف طارق

أحمد حلمي في ظرف طارق كان بيكراش على نور وكان بيحاول يقربلها لدرجة خلته يراقب تليفوناتها ويحاول يعترفلها بحبه بمساعدة صاحبة مجدي كامل.

البحث عن فضيحة 

الفنان عادل امام في فيلم البحث عن فضيحة حب الفنانة ميرفت أمين من أول نظرة وحاول يتقربلها ويعترفلها بحبه بمساعدة صديقة اللي في الشغل سمير صبري.

الحب الأول 

قصة الفيلم بتدور حول خالد أو مصطفى قمر شاب خجول بيعيش مع اصحابه حسن وهشام، هيحب رانيا او منى زكي بس هيكتشف ان رانيا بتحب صاحبة هشام اللي كان قايم بدوره طارق لطفي.

عن العشق والهوى 

فيلم من بطولة أحمد السقا وخالد صالح ومنى زكي ومنة شلبي وغادة عبد الرازق وبشرى وطارق لطفين فكرة الفيلم قايمة على العلاقات العاطفية منها علاقة أحمد السقا بزوجته منة شلبي اللي كانت بتكراش عليه واتجوزها جواز تقليدي رغم انه بيحب منى زكي .